ياسر مشتري قطعه ارض وصارت بيهه مشكله , المشكله دفع 50 مليون لصاحب الاراض ومن عرف صاحب الارض راح ينبني بصفهه مول سوة نفسه مخبل وميقبل يتنازلة بالارض , القاضي سأل ياسر شوكت اشتريت الارض , كله موجود بالعقد قبل شهرين , القاضي وشوكت عرفت مخبل , قبل 3 اسابيع , منو شهودك , احمد وعادل , منو هذولة , اخوتي , غيرهم , اذا تريد سياده القاضي اجيبلك الدلال ابو مريم , سياده القاضي اني اجيتك قبل فترة وكتلي هذا الموضوع سهل بس يراد هواية اشياء نسوية تعرف اني هواية خسران فلوس بالموضوع بلكي تبت بالموضوع , القاضي اني حسب المعلومات الي كدامي دا احسك مضبط التقفيصه ماتك وعبرته على الرجال المخبل وفوكاها جاي تعبره علينا , ياسر سياده القاضي يا تقفيصه يا فجئة هو الرجال تخبل فجأة أعرضة على لجنة صحية هيه تكشفلك , القاضي اللجنه الصحيه راح دكول هذا الرجال مخبل لو لا بس ما راح دكول شوكت يا يوم ويا تاريخ , ياسر واني شنو علاقتي , القاضي لا حبيبي لا انت الك علاقة اني اكلك شلون اني دزيت كتاب للبلدية حتى اعرف شنو وضعيه هاي الارض اتضح انو هاي الارض راح ينبني يمه مول وانت جنابك سمعت بالخبر وكمت ادور منا ومنا على ما لكيت هذا الرجال المخبل ضحكت علية واخذت منه القطعه بتراب الفلوس ومو بعيده ابو العقارات هم جان وياك بهاي التقفيصه , ياسر هسه شسوي , القاضي هسه تطلع منا وتولي من وجهي والا احسبهه عليك نصب واحتيال وأسجنك .