قدمت أربع كوميديانات مصريات أول عرض مسرحي كوميدي (ستاند أب) نسائي خالص في مصر ويأملن أن تعمل منصة (كوميدي ست) التي أنشأنها على تمكين مزيد من النساء في هذه الصناعة.

العرضان قُدما في أواخر مارس آذار بهدف تأسيس كيان كوميدي نسائي خالص وإتاحة الفرصة لكل الكوميديين من النساء والرجال لتطوير حياتهم المهنية.

كانت الكوميديانات نهى كاتو وريم نبيل وبرناديت قد اعتدن المشاركة في عروض في أماكن مختلفة منذ سنوات، ويقلن إن فكرة تأسيس منصتهن الجديدة جاءت بالصدفة عندما فكرن في أنهن يردن العمل معا، وانضمت إليهن لاحقا الممثلة سارة عبد الرحمن.

قالت الكوميديانة برناديت، المؤسسة المشاركة في كوميدي ست: “هي فكرة قديمة يعني مش جديدة خالص، فكرة موجودة من زمان، احنا جربنا ننزل مع كذا حد إن إحنا نبقى لاين أب بنات بس. وبعدين بقه الفكرة كانت مين بقى هياخد الخطوة ونبدأ كجروب بنات نعمل حاجة لينا، نبقى احنا اللي مؤسسينها، لأن في كذا مجموعة كلها رجل اللي بدأوها ومفيش وجود أوي لكيان مبني على بنات. فأنا وكاتو وريم في الأول بدأنا وقلنا نجرب و نبدأ وبعد كدة سارة انضمت لينا”.

ومن خلال عرضين حُجزت مقاعد الجمهور فيهن بالكامل عبر المنصة الجديدة تناولت الممثلات قضايا اجتماعية ومواقف يواجهنها يوميا في حياتهن.

أضافت برناديت: “إحنا كوميديانات. ملهاش دعوة هنا بقى ببنات أو أولاد، هي ليها دعوة بأن احنا كوميديانات، كل واحد عنده شخصيته وحياته والمشاكل اللي بيحب يتكلم عنها والحاجات اللي بتلفت نظره، فكل واحد لما يكتب كوميدي بيكتبها من وجهة نظره كانسان”.

وقالت الكوميديانة ريم نبيل، الشريكة المؤسسة في كوميدي ست: “البنت لما بتعمل كوميديا، عشان هي بنت بيبقى في إطار كده معين هي بتبقى محطوطة فيه. إنه لو بس لمحتي لحاجة حساسة شوية عيان كان اه هي وبتقولي رأيك وتضحكي فالناس هتبدأ تقول اه ده لأ عيب، في حين إن لو ولد عمل دة فعادي. بس ده في مصر ودة فالعموم كمجتمعنا. يعني لو احنا قاعدين في كافيه وبنت عايزه تقول حاجة هتلاقيها بتوطي صوتها، لو ولد لأ، ده بالظبط اللي بيحصل على المسرح”.

وقالت الكوميديانة نهى كاتو، الشريكة المؤسسة في كوميدي ست: “مهتمين جدا إن يبقى معانا بنات لأن زي ما ريم قالت إنه لما اتعمل ده قبل كده كان حلو، طب ما هو فيه ناس كويسة، فيه ناس شاطرة. فيه ناس لما طلعت من أول مرة مسخسختش الناس من الضحك يبقى خلاص كده بتتركن على جنب”.

وانضمت كوميديانات أخريات لمؤسسي كوميدي ست الأخريات ويأملن أن تتوسع منصتهن لإعطاء فرص أفضل لممثلي الكوميديا الطموحين الذين يكافحون عادة لبناء حياتهم المهنية.

وقالت الممثلة سارة عبد الرحمن، الشريكة المؤسسة في كوميدي ست: “لما أول مرة قابلت ريم ونهى وبرناديت حسيت بقى انفجارات في قلبي بتحصل وحسيت إن أنا عايزه أكون جزء من ده. وحسيت كأني هو ده اللي أنا بدور عليه طول حياتي، لإن في حاجة نمطية كدة إن البنت مبتعرفش تهزر، ونة بحب الهزار، وفيه ناس بتقول لي أنت البنت الوحيدة اللي بتعرف تضحكني، فلقيت بنات تانية، أيوا، هما كمان بيضحك. فحسيت إن احنا محتاجين نكسر النمط ده لأنه مش حقيقي”.