رشا دتراجع بدائره حكوميه , والموظف نور كلله هسه كل اوراقج كامله بس باقية ورقة وحده الي هيه شهاده الحياه , رشا كلتله شنو هاي الشهاده , هاي الشهاده تثبت انو انتي بعدج على قيد الحياة , ضحكت رشا وكلتله هاي اني شنو كدامك سناب , نور كلله لازم شي رسمي يثبت هذا الشي , يعني فعلا اكو هيجي ورقه تنطلب من المراجع , نور طبعا عزيزتي انتي حاليا عايشه خارج العراق احنه شمعرفنه انتي عايشه ميته غير اكو شي يثبت , كلتله شنو تريد اروح للطب العدلي واجيب ورقه منهم دكول هاي البنيه منستقبله لان عايشه , لا عيني هاي الورقه متفيد , عزيزتي اختصره الج انتي مو عايشه بهاي الدولة تروحين للسفاره ماتج بهاي الدوله الي انتي عايشه بيهه اجيبين ورقه انتي على قيد الحياه وانتهت السالفه , كلتله اني كدامك وممصدكني , كلله عيني احنه نتعامل بس بالاوراق الرسميه .