عادت النجمة سمية الخشاب للتفاعل مع جمهورها عبر حسابها على منصة تويتر لتوجه لهم بعض النصائح في أمور مختلفة.

وهذه المرة وجهت سمية الخشاب حديثها للفتيات لإعطائهن بعض النصائح عن الارتباط والزواج، وشددت على أهمية التعليم وأن يكون لكل فتاة كيان مستقل.

وقالت سمية الخشاب في البداية عن الارتباط: مترتبطيش ومتتجوزيش إلا لما تلاقي حد يفخر بيكي أو بدراستك أو بموهبتك ويسيبك تشتغلي وتعملي فلوس خاصه بيكي بدل ما تخدمي ويرميلك مصروف، يا أما تقعدي في بيت أبوكي معززه مكرمه! محدش يطلع من بيت أهله إلا لمكان أحسن مهما كانت درجة الحب مبتأكلش عيش وبتتمحي شخصيتك ودراستك وتعب أهلك سنين كتير.

وتابعت: على فكرة، الجواز والخلفه مش انجاز، والازدياد السكاني ده اللي بيعمل أزمات اقتصادية، وياريت أي إنسان قبل ما ياخد الخطوة دي يروح يكشف على صحته النفسية عشان ميطلعلناش متحرشين وحرامية ونصابين ويبقي زيادة عدد على الفاضي.