أكدت منة عرفة الأخبار المتداولة حول عودتها لزوجها محمود المهدي، ونفت بالوقت نفسه ما تردد حول تزييف قصة الطلاقبهدف عمل ضجة على مواقع التواصل وأن تصبح تريند، موضحة أن من روج لهذا الأمر “مريض نفسى” على حد قولها.

ونشرت منة عرفة عبر خاصية الستوري على حسابها على الاستغرام موضحة ما حدث كاتبة: “من أصعب اللحظات الي ممكن تعدي على اي ست لحظة الانفصال وخراب البيت، الطلاق بيتهز له عرش الرحمن، لكن انتوا يمكن عشان بتسمعوا عن بيوت بتتخرب كل دقيقة فا بقى ابغض الحلال عن الله بنسبالكو نكتة او حاجة تتمسخروا عليها، رهان بتعملوه مع بعض على اننا مش هنكمل، أو مادة خام للشماتة فينا”.

وأضافت: “خراب البيت عمره ما كان حاجة سهلة على الست او على الرجل او على اهالينا، في عز ضعفي وحزني وكسرتي اللي ربنا ما يكتبها على اي ست مرحمتونيش ولا قدرتوا اني في موقف لا احسد عليه وشمتانين فينا”. وتابعت: “قد ايه انتوا ناس متعرفش ربنا ولا في في قلوبكم رحمه، اتمنوا الخير لبعض يا جماعة بلاش نشمت في بعض، لكن دي غلطتي اني شاركتكوا حياتي الشخصية”. وواصلت : “الانسان بيغلط عشان يتعلم وانا اتعلمت، ربنا يعينكوا على نفسيتكوا الجحيم دي، وعسى ان تكرهوا شيئ وهو خيرًا لكم، يمكن الخلاف اللي حصل كشفلنا ناس كتير حوالينا كانوا بيمثلوا انهم فرحانين لينا بس الحقيقي انهم كانوا مستنيين أول مشكلة عشان يشمتوا في كسرتي وخراب بيتي”.

واختتمت منشورها قائلة:” ربنا مش هينولهلكوا وربنا يخليلي اهلي وزوجي والناس اللي بتتمنالي الخير ووقفت جمبي، وكلمه أخيرة للسادة الصحفيين ارجوكوا كفاية بقى ارحمونا حرام عليكم”. الجدير بالذكر بأن قبل أيام فاجئت الفنانة منة عرفة جمهورها بخبر انفصالها عن خطيبها محمود مهدي، في الوقت الذي كانا يحضران فيه لحفل زفافهما. كشف محمود المهدي سبب طلاقه للفنانة منة عرفة، قائلا: “الناس اللي بتتصل وتسأل خلاص كل حاجة قسمة ونصيب، وأنا كراجل شرقي صعيدي في حاجات مش هتنفع معايا، وهتوقفها عن شغلها وحلمها وأصدقائها في الوسط الفني فأكيد مش هقف في ده، وربنا يكرمها في المجال الفني وتوصل أعلى حاجة فيه.. بالتوفيق للجميع”.